حرام أبكيك

تخيرت الفراق ورحت غـادي ** على غفله تماديت بودادي..
مشاعر صادقة صاحت بحسره ** حسافه والذي سَوا العبادي..
حسافه إني وفيت بكل حسي ** وعديتك ذخر وقتي وعتادي..
حسبتك لو يجور الوقت ساعه ** عليك أقبل ودمعي لك ينادي..
واثاريك بودادي كنت جاهل ** وصبت ظنون كانت باعتقادي..
تخيلت الليالي دون وصـلك ** كئيبة ما يوصفها مدادي..
شجون وويل ليعات ومآسي ** وأثاري الوقت دونك شي عادي..
على فرقاك كم هلت مدامع ** على فرقاك واصفقت الأيادي..
نديمي.. كنت اليوم جــافي ** غرام مات في لحظة عنادي..
دخيلك هاك كل الله بـكيته ** وشوق ذاب من صدك وكادي..
على فرقاك لو تبكي عــيوني ** ولو بالويل نادى لك فؤادي..
حفت أسقيه من كاس التجافي ** مدامك خنت، وابديت ابتعادي..
حسافه اذكرك، يا ناسي الموده ** وحرام.. أبكيك،، ما تسوى حدادي..